只能恨你一輩子，太短了。
約定三萬狗，今生同下世，不共戴天之仇。
今生今世，都要仇恨香港警察。
唔好比仇恨支配，唔代表我地放棄仇恨，反之呢份憤怒同憎恨對我地嚟講係一份儆醒，要以香港警察為恥，要防範自己無論如何都唔可以淪落到變成佢地咁，如果有下一代，更加要教佢地遠離人形畜牲、勿被同化。
香港警察嘅孽債要數都罄竹難書，唔好計五年前，唔好計呢幾年休班警犯罪新聞，淨係計六月反修例至今都已經數不清咁痴線。以不合理強度武力處理示威、圍毆示威者、虐打被捕人士、插贓嫁禍、濫用截查權力、襲擊無辜市民、與黑社會勾結合作、放走襲擊市民人士、攻擊及驅趕記者、傷害救護人員、製作假新聞假消息、偽裝示威者帶頭暴動、藉故非禮女性、欺壓罷課學生、濫捕濫控，而太子站CCTV目前尚未公開，甚至有謀殺之嫌。香港警察罪惡滔天，呢份血海深仇，唔係他日突然良心發現一句sorry就可以解決，事實係就算三萬警畜正式向港人下跪謝罪，都不配得到原諒。
點解唔接受獨立調查？因為自己都理虧，知道自己配唔起高官每次講嗰句「專業克制」，因為上至指揮官下至前線速龍，全部都痴晒線。示威者破壞公物有警隊去查去拉，但警隊犯罪根本冇人制衡－叫人投訴又冇委任證冇編號，監警會只有空殼冇實權，成員全部自己友有如俱樂部。其實何止要獨立調查？根本要徹底清算制裁。
唔好講咩警察都有好人，僅餘嘅所謂好人如果冇做過任何嘢去阻止現況惡化，佢地就只係食緊花生嘅一群，冷眼旁觀者都係幫兇。甚麼堅持當差為正義都係廢話，人工減三分一，你仲做唔做？
唔好講禍不及家人，示威者冇家人？警察打人打到爆頭斷手嗰刻有冇諗過人地都有家人？要禍不及家人，就先要一人做事一人當，有委任證有編號，有合理投訴機制，有法律懲處，有合法程序制衡權力，自然唔會搞家人，唔會有人去婚禮贈興，唔會有人起底，唔會有人鼓勵杯葛警員子女。
唔好講示威者又點點點，所以警察點點點都好正常。警察有公權力，用緊公帑出糧，受過專業訓練，持有致命武器，如果因為示威者做過咩行為而可以合理化警察任何違法行為，恐怕只係小學雞水準辯解。如果警員自己都可以違法，咁點解要有警校、點解要有警例？不如示威者做埋警察嗰份算啦，起碼唔勾結黑社會先。
唔好講警察壓力大，請問香港地有邊份工唔壓力大？醫生每日生死之間徘徊，消防救急扶危，街口茶記個收銀阿姐都承受住老細比佢嘅壓力－壓力大唔係違反專業嘅藉口，亦唔係玻璃心嘅理由。醫護人員唔會要求成立辱醫罪，因為人地有專業呀。點解警察學歷咁低都有咁高人工？因為份人工包埋你嘅專業呀，做唔到就過主啦。
唔好講比外國美國點點點，人地警察會違規，但都有相應機制懲治，有編號有身分，市民可以提出訴訟，唔少案例獲得賠償。家陣唔係稀罕你賠償，係話你知就算心地犯法都會有後果，係香港警察要冇後顧之憂，做乜都唔比人查啫。講到自己行得正企得正無愧於心，點解咁抗拒比人查呀？
當然，如果六月已經有獨立調查進行，有法律制衡警察，事情冇惡化到今時今日嘅地步，或者警察道歉都可以換來一點憐憫－但唔好意思，而家喺我眼中，除咗望見你地餘生仆街之外，已經冇任何嘢可以止息我嘅仇恨。
我僅呼籲所有同路人，不論你地平時幾咁大愛幾咁有同情心同理心，都一定要記得呢段時間所發生嘅血腥鎮壓，保持呢份仇恨。黑警犯嘅唔係一般違反警例或傷人之類，係戰爭罪名、人道罪行，歷史唔會有原諒佢地嘅一日，正如納粹大屠殺，只要人類文明道德仲存在一日，佢地嘅所作所為都唔會得到諒解。
日常生活請盡情杯葛警察，疏遠當差親戚，與當差朋友絕交，教育子女唔好同警察子女來往，此時此刻我地處於弱勢，但弱勢有弱勢嘅反抗方式，我只願香港警察全家抑鬱，一世抬唔起頭做人。
－
攝／Tam Ming Keung @ USP United Social Press 社媒
Search